呢個大概係我所開嘅第十個blog。開之前都諗咗好耐，到底我應唔應該開一個blog以記錄低自己嘅生活，並分享畀其他人睇？
驚。因為畀人知道自己嘅嘢，唔知邪惡嘅人會點利用。
驚。因為如果太誠實，想法負面嘅我，會令到好多思考正面嘅人幻想破滅。
到底乜係分享？讓人只知道你自己嘅一部分？無錯，因為人生內容實在太多，所以必然有所篩選，所以係不能避免。但我如果我決定喺到講嘢，我儘量唔會誤導，但前提係讀者千祈唔好想得太多。
其實每一日嘅生活，只要唔係喺屋企自摺，都係同人分享緊。你會親自向外界示範你自己係點樣待人處事、透過說話你會令人知道你自己係諗嘢（如果大家會留意）。所以，其實分享更多自己都無乜問題，甚至能夠以官方解釋取代大家嘅FF（尤其是近來出現一啲我無乜可能講過嘅講法）。
重點： 完sem了
