去到旅程嘅第三日，我地帶住上一晚疲累嘅身體出發去Sky Tower參加一個旅行團。
起初嘅時候我地問人喺紐西蘭有乜做，有好多人都推介螢火蟲洞，於是本著人云亦云嘅心態，我地就決定去螢火蟲洞 (Waitomo Caves)。另外，團內有一位係好鍾意睇戲嘅，所以我地都決定去拍攝哈比人同魔戒嘅其中一個片場：哈比人村 (Hobbiton Movie Set)。由於兩個地方都離市區比較遠，而又咁啱有一個團去曬兩個地方，於是我地就去了。
 |
| 今日三點距離 |
為了這天的旅程，我們早有準備：藉著bookme網站訂了三個 "Waitomo Caves & Hobbiton Movie Set - Full Day Tour With Lunch - Ex Auckland Return" 嘅位：其中兩個有discount (245NZD)、一個正價(337NZD)，但都總算省了一筆錢。（共省了184NZD）
不過可能因為呢個網站太平，所以當我地去到，就發現手上攞住嘅confirmation唔完全係訂位成功，所以要跑去車站後面嘅counter申請番一張真嘅，所以唔能夠影相。但係經過一輪小擾攘，都總算攞到三張飛去參加呢個一日團。大家如果想去記得要早啲到，唔好好似我地某日之後咁樣。（另文再講）
其實稍稍當離開咗市區，已經感覺自己好似去咗一個好靚好自然嘅世界咁。好多動物植物喺四圍，雖然係冬天，但係主要都好綠好靚。
 |
| 路上隨便影嘅景，無添加 |
然後經過2個鐘頭左右嘅車程，導遊兼司機講咗好多紐西蘭嘅故事，由毛利族人（原住民）去到歐洲人黎到嘅歷史，同埋紐西蘭嘅情況都一一講述。好配服紐西蘭人可以一個人做曬司機同埋導遊。佢口頭禪係folks，開頭以為佢地興叫我地做"foxs"（狐狸？）。後來發現原來folks係一個英文用語，長知識了。
之後我地就去到哈比人村，呢個景點基本上係封閉式，所以我地必須要轉車同埋用佢地嘅導遊先可以繼續旅程。唔講太多，睇圖。
 |
| 哈比人村的屋 |
 |
| 另一間屋，可以見到D物件都好細 |
 |
| 一棵假嘅樹 |
 |
| close-up假樹，但真係好真 |
 |
| 高炒，望番餐廳嗰到，見到後面有真嘅羊 |
 |
| 細細的掠衫處 |
 |
| 一個磨坊 |
之後我地就去食幾好食嘅buffet，可惜時間有D趕。然後又有一個長途嘅車程去好多人推介嘅螢火蟲洞(Waitomo Caves)。Waitomo Caves係一個潮濕的海蝕洞，極之宏偉，入面有大量螢火洞
同埋遊客。19世紀就已經被探險家發現，早至1889年就已經開放比遊客參觀。螢火蟲洞入面有一個地方叫Cathedral，因為回音好大。但係重點係喺船上面睇螢火蟲，大量的螢火蟲好似大量的星星一樣，不過因為光度唔高，而船又keep住郁，最後影唔到任何靚相。
 |
| 螢火蟲洞係由船運 |
 |
| 出口影番螢火蟲洞 |
 |
| 我地坐足全日的巴士 |
坐咗全日車之後，同行的團友就暈車浪而唔舒服，因為的確我地嗰日坐咗幾個鐘車。我地就食咗hostel旁邊的熱狗，結束咗喺Auckland住嘅三晚。咁樣就結束紐西蘭北島的旅程有點可惜，不過無奈香港生活忙碌，時間同錢財都有限，所以第二朝就飛走。下次有機會同埋有車可以回來再探北島：紐西蘭的美麗風景。
下一站：Queenstown
