其實呢一日我地雖然好遲先出門口，但到最後番到Hostel大約成10點鐘，因為呢日係喺奧克蘭嘅唯一一日，而且我地認識咗一位新朋友。
 |
| 回望Art Gallery |
 |
| 作為交通研究員，緊係要睇下啲巴士係乜樣 |
奧克蘭嘅巴士我見過嘅全部都係單層，而且據我觀察班次係幾密，但係使用率相比香港幾低，不過比起Atlanta已經算係咁。
講科技黎講，佢地都有用電動車同Hybrid，算係為環保盡一分力（亦都令到我師姐嘅research真係apply到）
去到Sky Tower我發現可以用銀聯卡比知就有9折，但係我無咁做到，純粹係因為猶豫。之後就上咗去了。
Sky Tower有4個層數，有50樓嘅Cafe、51樓嘅主樓層、53樓嘅跳樓層(玩bungy jump)，同埋60樓嘅Sky Deck，可以以最高角度睇嘢。我地先搭玻璃底嘅電梯直上51樓。
51樓有一塊地下係玻璃，據說比起石屎更加硬。然後我起初感覺好驚，因為視覺上的確好似踩空氣一樣。但係望到好多好多人有信心行過之後，我用咗15分鐘終於夠膽。同行者話：「呢塊玻璃都唔夠膽，咁真係跳sky diving嘅時候點夠膽啊？」我微一微笑。
 |
| 角度1 |
 |
| 角度2 |
 |
| 角度3 |
 |
| 角度4 |
 |
| 遠望海旁一條橋 |
 |
| 誇海大橋燈已開 |
 |
| 入夜了 |
 |
| 車軌 (嘗試用小畫家劣改三粒燈嘅反光) |
天氣好好，但係玻璃好污糟，好多掌印面油，令到欣賞嘅風景未至於完美。欣賞完Sky Tower日景+黃昏景+夜景嘅我地，再練習完夜車軌之後，就離開Sky Tower了。但當我地去到Sky Tower底部嘅時候，有一位姊妹通知我地佢啱啱喺教會練完敬拜，於是我地輾轉就同咗佢地教會嘅人一齊食KFC。
開頭以為要用英文/普通話溝通，但原來佢地係一個廣東話大學生團契，入面全部都係識講廣東話嘅人。不過大部分人都係男性，後來聽講係因為有些女性嘅香港人去咗講英文嘅團契，所以就造成男多女少嘅現象。結果我地全段嘅晚飯時間都係用廣東話溝通，除咗叫嘢食嘅時候。呢到KFC有免費Wi-Fi。而且聽講呢間KFC係我地教會一對好姊妹一齊喺嗰度食過，而當日我地又再次同其中一位姊妹喺嗰到食，感覺好有意義。
喺KFC見到一個疑似變性人，男人樣但係著女裝，然後我感到小小震驚，不過問番原來呢樣嘢係紐西蘭係正常，而佢只係比較明顯嘅一個。到底乜係Sex？乜係Gender？人又應唔應該因為自己認同自己係異性，就變成異性？當心理同生理喺社會框架之下有衝突，又要選邊個呢？小弟真係唔敢講嘢，廢事比人批鬥。不過可能佢唔係變性人，只係著女裝玩下嘅人？我真係無從得知，亦都唔敢挑戰佢地，只能當佢地係普通人。
 |
| 第一餐晚餐 |
食完KFC之後大部分教會朋友都走了，只剩下我地三人同埋J，然後J就好好咁帶我地行咗好耐海旁。
 |
| The Cloud |
 |
| The Cloud旁邊一間藝術屋 |
 |
| 內景 |
 |
| 內景高炒 |
 |
| 頭先條橋 |
 |
| 回望Sky Tower同市區 |
 |
| 橋同倒影 |
 |
| Driving Wheels, 係由一隻船上面攞落黎的 |
 |
| 以前呢到好似係有火車行運貨 |
 |
| 地鐵總站Britomart Station兼送J搭車 |
 |
| 站內景 |
 |
| 站內景2 |
其實好多謝J嘅帶領，令到我地了解多咗好多紐西蘭嘅故事，同埋佢教會嘅故事。最開心嘅係佢係一位紐西蘭人 (Kiwi)，唔使好似我咁樣睇住香港繼續沉淪，而可以喺呢片小天堂上面生活。落筆之時，林鄭啱啱推出5000億填海計劃，但已經睇到無言，反正，發言只係會令到自己被DQ，而且土地大辯論同官員好多說法話你知：「你發言無用架，我係要咁做，你吹咩？」但係好多人依然投民建聯，或者佢地真係已經想像唔到一個好嘅政府係點樣，但係，當你望下對岸嘅柯文哲，就話你知民選係真係可以選到一個好市長。
當然台灣有台灣嘅問題，但假以時日，再咁管治落去，當香港差過台灣，甚至差過大陸，咁就名正言順同大灣區一體化。希望我預言再一次唔成真。
