一直都忘記不了一個片段。就正正身在土耳其的一個地方，我係一位基督徒──一位識得彈琴嘅基督徒，亦都可以擔任司琴呢個角色。
作為基督徒，返教會係好正常不過嘅事。作為華人，返華人教會係好正常嘅事。作為香港人，識彈琴係好正常嘅事。作為識彈琴嘅信徒，有做下司琴都係好正常。而作為一位大學生，去交流係好正常，土耳其只係偶然之下一個好奇嘅選擇。於是乎──一位香港司琴參與土耳其華人教會，其實係好正常嘅事。
有一日好普通嘅一個主日，大概係我當時20年人生入面千次主日敬拜神入面普通的一次，我繼續去教會敬拜神。然後佢無聊問起就發現我係識彈。跟住點？正常應該好正常嘛，真係好正常。點知佢地突然間好感恩，原來佢地唯一一位司琴突然間唔係好掂未練敬首歌，原來佢就快要走。於是乎教會領袖好努力祈禱希望有人做司琴，結果我就成為咗果個人。
神嘅參與到底係咪就係喺咁正常之內？正常到令我到而家都嘖嘖稱奇，因為佢地睇黎真係好感恩。
我自己嘅人生都係好普通好正常，仿佛神的工作無乜喺我身上成就。但或者就係喺普通中，神就在暗暗地工作，令到萬事都互相效力。
