疫下歐遊 - 隔離篇

落筆之時係2021年8月21日凌晨1點14分，我嘅隔離令已經結束，但係因為酒店係book到聽朝，所以我繼續選擇留喺房內，以免深夜回家吵親屋企人。

我想講隔離嘅日子實在過得好快。第一日落機之時已經係4點，經過中庭嘅檢疫：驗證身份、抽樣本、攞強制檢疫令、等候檢測結果，再攞行李，比海關check行李，再等小巴直通華美達華麗酒店，番到房已經係夜晚9點幾。由於我有一罐啤酒喺寄倉嘅時候不幸爆咗，所以花咗小小時間清理。

然後我沖完涼之後好快就倒頭大睡，一瞓就瞓到第二日晏畫2點，好彩個午餐仲喺門口。然後我就開始處理自己嘅工作，並且研究一下三十年戰爭的事情──睇咗Kings and Generals嘅一段片，又繼續睇我喺飛機不幸未能夠睇完嘅《1917》。《1917》係好神奇嘅一套片，喺柏林飛多哈嘅機上面有，但係喺多哈飛香港嘅機上面係無，而因為我間酒店網速奇慢，所以又花咗好多時間先能夠順利用bt睇到(幾耐無聽過bt呢個字？)

落機之時，我有以下嘅工作未做：

1) HKSTS 2021 paper, 8頁紙，要8月15日交

2) MTR Calibration，透過港鐵data calibrate我地一直發展開嘅MATSim model。 (落筆之時，突然醒起有啲嘢要check，又搞咗半個鐘)

3) Time-space paper被desk reject了，要改好。

4) 同Manzi傾dynamic matching嘅research

5) 同Takuya研究佢個HSR - airport嘅研究點樣行落去

6) 分析8P巴士的data

7) Proofread Ashraf篇paper first draft 

8) Proofread之前被Accept的TS paper (18號deadline)

9) 讀經計劃 (仲差38日)

10) 寫遊記

11) 學日文，目標今年之內去到N3程度

於是我用第二日時間去改好HKSTS 2021嘅paper，又因為Jacob已經完成咗佢要改嘅data，我就要喺好差嘅網絡之下運用佢同intern辛苦做成嘅data去generate新嘅scenario，再放入手上最強嘅Linux電腦入面去generate。跟住夜晚就繼續完成TS paper嘅proofread。呢一日我交咗HKSTS 2021上去system上面，但因為佢system只係收pdf，又花咗啲時間研究，但最後我都決定交pdf算，反正無咁易走樣。

第三日(星期一)就主力改time-space paper同埋proofread TS paper。呢一日同楷哥開咗兩次會，然後終於答完TS editor所提問嘅44條反問，我不能不欣賞佢地嘅認真。夜晚再研究time-space paper。

第四日(星期二)我就開始研究Takuya所遇到嘅問題，事關我地想研究嘅機場系統係好複雜，一班航機嘅早到或者遲到係可以影響個排隊嘅情況，以致下一班機，然後我就覆咗佢email。夜晚再proofread Ashraf篇paper first draft，因為佢所包括嘅數式好多，又用咗成晚去解決。然後夜晚趁網路順暢，我終於完成我自己MATSim run嘅一部分，做咗一個code merge，將自己呢兩個月喺main branch所發展嘅功能轉移番去MaaS branch。然後Ashraf就可以開始著手做佢自己果一部分，搵出最佳OD parameter。

第五日(星期三)我就開始練習日文嘅聆聽，聽咗一次N5嘅考題。由於我聽力唔太好，經常要來回去聽，以致都用咗一兩小時嘅時間。中午開始我就睇咗Thickness and Information in Dynamic Matching Markets，開始同Manzi研究一下點樣將ridesharing問題變得dynamic。呢一晚我亦都開始分析我所收到嘅8P data，成功將佢嘅data轉化成一啲圖畫方便大家理解。但係因為我部垃圾Windows機並唔能夠將2300幾幅高清圖變成一條片，又用咗幾個鐘去研究點樣整條片，最後要靠女朋友嘅mac機先可以完成到。

第六日(星期四)就開始著手改thesis，為咗回應Sisi嘅問題，加多咗同L-shape method嘅對比。然後為咗令Zonal的部分有更多theortical basis，我嘗試閱讀一啲paper。但好不幸地無發現新嘅theortical basis，因為的確無乜人會咁機械式分zone但卻又唔係analytical。另外，我亦都搵咗一啲有關cancellation嘅paper，但好不幸地讀咗第一篇卻發現原來係講緊operator cancel人，不禁諗起自己班機比Turkish Airline cancel嘅悲劇。

第七日(星期五)我立定心志要開始寫遊記，於是就開始寫Dresden嘅遊記。但係由於網絡極度唔順暢，唯有喺一半打斷，因為原來Google blogger係唔可以離線edit：所有相片係要即時upload，upload唔到就無。另外我亦都檢查咗Prof Lo回覆嘅time-space paper，稍為回應咗，就交比楷哥再次交番上去。最後我都讀咗一下reduce bus bunching嘅方法，但無奈發現Shuyang之前嘅研究其實只係存在於理論層面。似乎都要更多討論。

開頭有自己空間其實覺得唔錯。但係我卻唔能夠適應到佢呢個8點半食早餐嘅節奏。事關我第三日諗住9點半起身食早餐，卻發現早餐已經比佢收咗。之後我先決定要早一點就開始起身食早餐。但係因為未適應時差，之後又會瞓番。結果就好似而家咁樣凌晨2點半都依然好精神。去到最尾兩日就開始覺得有啲辛苦，原來已經六日無比陽光照射過，亦都無直接呼吸外面嘅空氣 (因為我個窗係開唔到)，同埋因為我坐嘅位係喺床上面，係會吊腳同埋無得埃，所以都會腰痛。

原來七日隔離係好快嘅事，不過總算做到曬task 1-8，可以番去繼續改thesis，睇下喺zonal design理論上點樣可以再多啲討論。